|
|
|
စာပေ -
ဝတ္ထုရှည်
|
|
Written by မျိုးချစ်
|
|
Sunday, 31 May 2009 13:04 |
|
ဝေယံဘုန်း စာမျက်နှာ | မေ ၂၆ ၊ ၂၀၀၉
 အရှေ့တိုင်းကအာရှတိုက်မှာ မြန်မာလို့ခေါ်တဲ့ တိုင်းပြည် တစ်ပြည်ရှိတယ်။ အဲဒီမှာ ရွှေရောင်ဝင်းနေတဲ့ စေတီပုထိုးတွေလည်း ရှိလေရဲ့။ အဲဒီလို ရွှေရောင်းဝင်းတဲ့ စေတီပုထိုးတွေ သိပ်ကိုပေါတာမို့ “ရွှေရောင်တိုင်းပြည်” ရယ်လို့လည်း သူ့ကို တင်စားခေါ်ဝေါ်ကြတယ်။ မြန်မာပြည်ရဲ့ အကြီးဆုံးမြို့ကိုတော့ ရန်ကုန်လို့ ခေါ်တယ်။ ဟိုတစ်ချိန်ကတော့ ဒဂုံလို့ ခေါ်ခဲ့ဖူးသတဲ့။
ရန်ကုန်ဟာ သိပ်နှစ်သက်ဖို့ကောင်းတဲ့မြို့ပါ။ စိမ်းစိုနေတဲ့ သစ်ပင်တွေကို နေရာတိုင်းမှာမြင်နေရတယ်။ အုန်းပင် တွေအောက် လမ်းလျှောက်လို့ရတယ်။ လူနှစ်ယောက်ထိုင်ခုံကို စက်ဘီးနဲ့ တွဲဆက်ထားတဲ့ ဆိုက္ကားလို့ခေါ်တဲ့ လူနင်းယာဉ်တွေက လမ်းမတွေထက်မှာ ဥဒဟို။ မြို့သူမြို့သားတွေက လမ်းဘေး လက်ဘက်ရည် ဆိုင်က ခုံပုလေးတွေထက်မှာထိုင်နေတတ်တဲ့ မြင်ကွင်းက နေ့စဉ်လိုလိုပါပဲ။ ရန်ကုန်ကိုရောက်ခဲ့လို့ရှိရင် ရွှေပိန်းချ ထားတဲ့ ဘုရားတွေက ညဘက်မီးရောင်အောက်မှာ အရောင်တ၀င်းဝင်းနဲ့ ကြည့်လို့သိပ်လှတဲ့ မြင်ကွင်းပေါ့။
မြန်မာပြည်သူပြည်သားအများစုကတော့ ဗုဒ္ဓဘာသာဝင်တွေပါ။ တကယ်တော့ ဗုဒ္ဓဘာသာဟာ ဘာသာတရား တစ်ခု ဆိုတာထက် ဘ၀ကျင့်စဉ်တစ်ခု၊ ဘ၀အတွေးအခေါ်တစ်ခုဆိုရင် ပိုပြီးမှန်ပါ လိမ့်မယ်။ ဒါပေမယ့် ခရစ်ယာန်တွေ ဘုရားရှိခိုးကျောင်း သွားသလိုပဲ ဗုဒ္ဓဘာသာဝင်တွေလည်း ဘုရားကျောင်းကန်တွေ ကို ပုံမှန် သွားတတ်ကြတယ်။ ဒါပေမယ့် ဘုရားစေတီတွေကို ရောက်ရင်တော့ ပလ္လင်ထက်က ပြုံးနေတဲ့လူသားတစ်ဦးရဲ့ ကိုယ်ပွား ရုပ်တုရှေ့မှာ ယောက်ျားတွေက ဆောင့်ကြောင့်ထိုင်၊ မိန်းမတွေကကျုံ့ကျုံ့ထိုင်ပြီး သူ့ကိုရှိခိုးကန်တော့ ကြတယ်။ ဆင်းတုရဲ့မျက်နှာဟာ ပြုံးနေပြီး ငြိမ်းချမ်း နေတယ်။ ဖူးမြော်လိုက်တာနဲ့တစ်ပြိုင်နက် ရင်ထဲမှာ အေးချမ်း သွားတယ်။ ငြိမ်သက်သွားတယ်။ ရှင်းလင်းသွားတယ်။ အဲဒါကတော့ ဗုဒ္ဓလို့ ခေါ်တဲ့ လူသားတစ်ဦးရဲ့ ဆင်းတုပါပဲ။
ဒါဆို သူ့ကိုဘာလို့ လူတွေကရုပ်တုတွေထုပြီး ကိုးကွယ် ပူဇော်နေကြတာလဲ။ ဗုဒ္ဓဟာ ဘယ်သူလဲ။ ဘုရားကိုသွားလို့ သူ့ကို ရှိခိုးကန်တော့နေသူတွေရဲ့ စိတ်ထဲမှာဘယ်လိုယုံကြည်မှုတွေများ ရှိနေပါသလဲ။ အခုပြောပြမယ့်ဇာတ်လမ်းကိုဖတ်ပြီးရင်တော့ ခုနက မေးခွန်းတွေရဲ့အဖြေကိုရနိုင်ပါတယ်။ ဒီဇာတ်လမ်းရဲ့ အဓိကဇာတ်ကောင်တွေကတော့ ကောင်မလေးတစ်ယောက်နဲ့ ရုပ်သေးရုပ်တစ်ရုပ်ပါပဲ။ ဒါကိုပုံပြင်တစ်ပုဒ်လို့ ထင်ဖို့ရာလည်း ခက်ကောင်းခက်ပါလိမ့်မယ်။ ကောင်မလေးက ရုပ်သေးရုပ်နဲ့ စကားပြောပုံကို ကိုယ်နှစ်သက်တဲ့ အရုပ်လေးတစ်ရုပ်နဲ့ ကလေးတစ်ယောက်စကားပြောတဲ့ပုံစံမျိုးလို့ လူတွေကထင်ကြပါတယ်။ ဒါပေမယ့်လည်း ပေါ့လေ။ ဒီကိစ္စကြီး ရန်ကုန်မြို့မှာဖြစ်ပြီးတဲ့နောက် နောက်ဆက်တွဲဖြစ်ရပ်တွေကိုတော့ ယုံဖို့ရာ ခက် ခက်ခက် ဖြစ်နေတုန်းပါပဲ။
ကောင်မလေးရဲ့နာမည်က ‘စု’တဲ့။ ဇာတ်လမ်းကတော့ စုဘ၀ရဲ့ အရေးပါတဲ့အချိန်တစ်ချိန်မှာ အစပြုခဲ့တာပါ။ စုရဲ့မိဘ နှစ်ပါးဟာ ဗုဒ္ဓဘာသာဝင်တို့ထုံးစံ သူတို့ရဲ့ သားသမီးကို သာသနာ့ ဘောင်မှာ ရှင်သာမဏေအဖြစ်၊ သီလရှင် အဖြစ် သွတ်သွင်း ချီးမြှင့်ဖို့ကို အရေးထားကြတဲ့လူတွေပါ။ ဒါဟာ ရိုးရာပါပဲ။ စုအတွက် ကတော့ ပန်းနုရောင်နဲ့လိမ္မော်ရောင်ဝတ်ရုံကို ၀တ်ဆင်ရတာ အပန်းမကြီးပါဘူး။ ဒါပေမယ့် ခေါင်းကဆံပင်တွေကို ရိတ်ရတာကိုတော့ သိပ်မနှစ်သက် လှဘူးပေါ့။ ပြောင်နေအောင် ရိတ်ထားတဲ့ ခေါင်းကို မှန်ထဲမှာ မြင်ရတဲ့ အခါ စုမျက်ရည်ကျမိတယ်။ သူက သူ့အစ်မတွေလိုပဲ ရှည်လျား နက်မှောင်တဲ့ ဆံကေသာကိုလိုချင်တာကိုး။ မြန်မာမိန်းကလေး တွေကတော့ မိန်းမတို့ဘုန်းဟာ ဆံထုံးမှာရှိတယ်လို့ ယုံကြည်ကြတယ်။ (ဆက်ဖတ်ရန်)
|
|
စာပေ -
ဝတ္ထုရှည်
|
|
Written by မျိုးချစ်
|
|
Saturday, 11 April 2009 14:11 |
|
ရေးသားသူ - အင်ကြင်းမေရှိန်
က။
သစ်တောထဲမှာ လာသော လေပြည်သည် တောနံ့ တောင်နံ့ သင်းလျက် လူတစ်ကိုယ်လုံးကို အေးမြ လန်းဆန်း သွားစေပါသည်။ မနက်ခင်း မြူနှင်းအကွဲမှာ နေခြည်တန်းတွေ ၀င်လာချိန်မို့ စားကျက်ကွင်း တစ်လျှောက်လုံး မှိုင်းမှုန်မှုန် ညို့ဆိုင်းဆိုင်းနှင့်။ လွမ်းဆွတ်စရာ ကောင်းသလို နေ့သစ်တစ်ခု အစမှာ အားမာန်တွေ ပြည့်တင်းကာ လတ်ဆတ် လှုပ်ရှား ချင်စရာ လိုလိုပါ။ သည်မြင်ကွင်းတွေ အားလုံးဟာ မောင်ချစ်ထူး အဖို့ ငယ်စဉ်ကတည်းက မြင်နေကျပါ။ ဒါပေမယ့် ဒီလောက်အထိ အရာရာ မြင်နေရသမျှ လွမ်းစရာ ကောင်းမှန်း သတိမထားမိခဲ့။ ဒီတောင်ကုန်းတွေ၊ မြေပြန့် စားကျက်တွေမှာ သူတို့ တစ်အုပ်စု နွားတွေ၊ ကျွဲတွေ အငှား ကျောင်းရင်း ပျော်ရွှင်ခဲ့ကြတာ နှစ်တောင် တော်တော် ကြာခဲ့ပြီပဲလေ။
အခု မောင်ချစ်ထူး တစ်ယောက် စားကျက်ကုန်းစောင်းမှာ ရပ်ရင်း လက်ထဲမှ ၀ါးဆစ်ပိတ် နှင်တံကို ရှေ့မှ မြေပြင်ဆီ ထိုးစိုက်ကာ မျက်ရည် ၀ဲနေခဲ့ပါသည်။ လေးပေပင် မပြည့်သေးသော အရပ်။ သေးညှက်ညှက် ခန္ဓာကိုယ်ကို ပိုင်ဆိုင်ပြီး လုံးဝ အသံ မထွက်နိုင်၊ စကား မပြောနိုင်သော မောင်ချစ်ထူး တစ်ယောက် ဒုတိယမြောက် အံကြိတ်ရင်း ခပ်လှမ်းလှမ်း ဖုန်းဆိုး တောစပ်ဆီမှ ဘုတ်ငှက်လိုက် နေသော ဘ၀တူ နွားကျောင်းသား တစ်အုပ်ကို မကျေမချမ်း ကြည့်မိပြန်ပါသည်။
"ကံထူးမရယ်"
မောင်ချစ်ထူး စိတ်ထဲမှာ ပဲ့တင် ထပ်နေသော ရေရွတ်သံပါ။ ထိုနည်းတူစွာ သူ၏ ရှေ့လွင်ပြင်ကြီးထဲမှာ ကံထူးမ အမည်ရ မောင်ဖိုးထူး၏ အရိပ်တွေကလည်း သက်ဝင်ကခုန်လို့၊ ပြေးလွှား ပျော်မြူးလို့၊ အော်ဟစ် နွားကျောင်း လို့။ ဒီစားကျက်မြေပေါ်က ပျောက်ကွယ် မသွားခင် ပုံရိပ်လွှာတို့သည် မောင်ဖိုးထူး၏ အာရုံအသိနှင့် မျက်စိ အမြင် တွေထဲမှာ ကြီးစိုးလို့။ (ဆက်ဖတ်ရန်)
|
|
|
စာပေ -
ဝတ္ထုရှည်
|
|
Written by မျိုးချစ်
|
|
Saturday, 07 March 2009 22:18 |
|
မဟူရာ၊လွိုင်ကော်၊
 အရှိန်နှင့် အတွန်း ခံလိုက်ရမှုကြောင့် ကုလားထိုင်ရော လူပါ နောက်သို့ လန်ကာ ၀ုန်းခနဲ ပစ်ကျသွားသည်။ တစ်ဆက်တည်းပင် စားပွဲပေါ်မှ အရက်ပုလင်းကို တစ်စုံတစ်ယောက်က ဆွဲယူ ပစ်ပေါက်လိုက်သည်ကို မူးယစ် ဝေသီနေသည့် ကြားမှ ၀ိုးတ၀ါး မြင်လိုက်ရသည်။ အရက်ပုလင်းက သူ့ခေါင်းနှင့် တစ်ထွာ သာသာလောက်တွင် ခွမ်းခနဲ အသံမြည် ကွဲသွားသည်။ အရက်နှင့် ဖန်စ အချို့ သူ့မျက်နှာကို လာစင်သည်။
"ခင်ဗျား လူသတ်သမား။ လူသတ်ကောင်"
စူးရှခါးသီးသော နာကြည်းသံနှင့် အတူ သူ့ရှေ့တွင် ရပ်၍ ဒေါသတကြီး အော်ဟစ်သံကို ကြားရသည်။
"မေမေ့ကို ခင်ဗျား သတ်ပစ်တာ။ ခင်ဗျား အပေါ် အချစ် လွန်ကဲခဲ့ရှာတဲ့ မေမေ့ မေတ္တာကို စော်ကားပြီး ရက်စက်တဲ့ စကားတွေနဲ့ ခင်ဗျား သတ်ပစ်တာ။ အခု မေမေ သေပြီ သိလား"
သူ့ရင်ထဲ ထိတ်ခနဲ ခံစားလိုက်ရသည်။ မူးယစ်ဝေသီခြင်းတို့ ယူပစ်သလို ပျောက်ကင်းသွားကုန်ပြီလားဟု မှတ်ထင်လိုက်ရသည်။ အားယူ၍ မျက်ခွံကို အတင်းပင့်ကြည့်မိသည်။
ကျော်ကျော် .... ။
မမမြတ်၏ ဒုတိယမြောက်သား ကျော်ကျော် ...။
ကျော်ကျော့် မျက်ဝန်းမှာ မျက်ရည်များ ယိုစီးကျနေသည်။ ခါးသီး မုန်းတီးစွာ သူ့ကို စူးစူးရဲရဲ စိုက်ကြည့်သည်။ (ဆက်ဖတ်ရန်)
|
|
စာပေ -
ဝတ္ထုရှည်
|
|
Written by မျိုးချစ်
|
|
Wednesday, 04 February 2009 09:56 |
|
ရေးသားသူ - ကံထွန်းသစ်
 ၁။
ညီကို လေးယောက်သား ဂေဟစနစ် အကြောင်း ပြောနေကြစဉ်မှာ မတွတ်ကို ဖမ်းမိလာကြသည်။
၂။
"တို့ ငယ်ငယ်တုန်းကတော့ ခုလို ဆေးဖျန်းတာတွေ ဘာတွေ မရှိပါဘူးကွာ။ ဒီလို ပဲခင်းတွေ ပျ ကျတော့လည်း နေပူတာနဲ့ ပျ တွေ ပျောက်သွားတော့တာ"
အတွေ့ အကြုံအရလည်း အကြီးဆုံး ဖြစ်သည့် အစ်ကိုကြီးက ထောက်ပြလိုက်တော့ ...
"ဟုတ်တယ်နော် အစ်ကိုကြီး၊ ရှေးတုန်းကတော့ ဘာစိုက်စိုက် မြေပေါ် မျိုးစေ့ကျတာနဲ့ ပေါက်ပြီးသား။ သီးနှံထွက်လည်း ကောင်းပြီးသား။ ခုတော့ ဖျန်းလိုက်ရတဲ့ ဆေး၊ ကျွေးလိုက်ရတဲ့ မြေသြဇာ"
အစ်ကိုလေး၏ ထို ထောက်ခံ ဆွေးနွေးမှုကို မကြိုဆိုသူက ညီငယ် ကိုကျော်။
"အဲဒီတုန်းက ခုလိုဆေးမှ မပေါ်သေးတာ။ ပေါ်နေလို့တော့ ရှေးလူကြီးတွေလည်း ဖျန်းကြမှာပါဗျ"
"ဟ ဖိုးကျော်ရ၊ ငါက ဆေးဖျန်းတာကို အပြစ်ပြောနေတာ မဟုတ်ဘူး။ အကျိုး ရှိမရှိ ချင့်ချိန်ဖို့။ ခု မင်းတို့ ဆေးဖျန်း နေတော့ကော ဟိုတုန်းကလို သီးနှံထွက်လို့လား"
|
|
|
|
|
<< Start < Prev 1 2 3 4 5 6 7 8 Next > End >>
|
|
Page 1 of 8 |
